pula ang tinta

ng pluma,

ng bala,

ng dugong kumawala,

na umagos mula

sa katawang lupa

ng isang makata, isang mandirigma.

[cq_vc_parallax images=”25819″][/cq_vc_parallax]

isinulat mo’y digma,

mga saknong ng pag-aalsa,

mga oyayi at oda,

mga taludturan ng paglaya,

para sa masang sinisinta,

para sa inapi’t dinusta,

para sa bayang musa

at lubos mong dinadakila.

[cq_vc_parallax images=”25818″][/cq_vc_parallax]

ang iyong mga tula

ay di nagpalimita

sa batas ng sukat at tugma,

ni hindi nagpadikta

sa itinakda ng akademya

bagkus ay singlaya

ng angkin mong pagsinta

sa pinag-aalayang masa.

[cq_vc_parallax images=”25815″][/cq_vc_parallax]

katapusan na marahil nga

ng iyong mga pulang akda

ngunit hindi ng naiwan mong digma,

hindi ng palaban mong mga tula,

ni hindi ng iyong mga panata,

panatang buhay na paalala:

na ang mga rebolusyonaryong tula

ay sila ring mga armas pandigma!

Para kay Kasamang Maya Daniel, makata, mandirigma.

[ultimate_spacer]

LEAVE A REPLY

Please enter your comment!
Please enter your name here